Um staðsetningaraðferðir
Kortaforritið sýnir hvar þú ert staddur á
kortinu með GPS, A-GPS, þráðlausu
staðarneti eða staðsetningu byggðri á
dreifikerfi (auðkenni endurvarpa).
GPS (Global Positioning System) er
leiðsögukerfi sem byggir á móttöku
staðsetningarupplýsinga frá
gervitunglum til að reikna út staðsetningu
þína. A-GPS (Assisted GPS) er sérþjónusta
sem sendir þér GPS-gögn, sem eykur
hraða og nákvæmni staðsetningarinnar.
Staðsetning með þráðlausu staðarneti
(WLAN) eykur nákvæmni staðsetningar
þegar GPS-merki nást ekki, sérstaklega ef
þú ert innandyra eða milli hárra bygginga.
Með staðsetningu byggðri á dreifikerfi
(auðkenni endurvarpa) er staðan
ákvörðuð gegnum loftnetskerfið sem
tækið er tengt við.
Þegar þú notar kortaforritið í fyrsta skipti
er beðið um að þú tilgreinir
internetaðgangsstaðinn til að hlaða niður
kortaupplýsingum, nota A-GPS eða
tengjast þráðlausu staðarneti.
Viljirðu komast hjá því að greiða fyrir
netþjónustu geturðu stillt tækið þannig
að A-GPS, þráðlaust staðarnet og
staðsetning um dreifikerfi (auðkenni
endurvarpa) verði óvirk, en þá getur tekið
mun lengri tíma en ella að reikna út
staðsetninguna. Nánari upplýsingar um
staðsetningarstillingar er að finna í
notendahandbók tækisins.
GPS-kerfið (Global Positioning System) er
rekið af Bandaríkjastjórn sem ber alla
ábyrgð á nákvæmni þess og viðhaldi.
Nákvæmni staðsetningargagna kann að
verða fyrir áhrifum af breytingum á GPS-
gervihnöttum sem gerðar eru af
Bandaríkjastjórn og kann að breytast í
samræmi við stefnu
varnarmálaráðuneytis Bandaríkjanna um
borgaralegt GPS og alríkisáætlun um
þráðlausa leiðsögu. Slæm rúmfræði
gervihnatta getur einnig haft áhrif á
nákvæmni. Staðsetning, byggingar,
náttúrulegar hindranir auk veðurskilyrða
kunna að hafa áhrif á móttöku og gæði
GPS-merkja. Verið getur að GPS-merki
náist ekki inni í byggingum eða
neðanjarðargöngum og þau geta orðið
fyrir áhrifum frá efnum eins og steypu og
málmi.
Ekki ætti að nota GPS fyrir nákvæmar
staðsetningarmælingar og aldrei ætti að
treysta eingöngu á staðsetningargögn frá
GPS-móttakaranum og símkerfi fyrir
staðsetningu eða leiðsögn.
Áreiðanleiki áfangamælisins er ekki
fullkominn og sléttunarvillur eru
mögulegar. Nákvæmnin veltur einnig á
móttöku og gæðum GPS-merkja.
Til athugunar: Í Frakklandi er
aðeins heimilt að nota þráðlaust
staðarnet innanhúss.
Nákvæmni staðarákvörðunar getur verið
allt frá nokkrum metrum og upp í nokkra
kílómetra, allt eftir því hvaða aðferð er
notuð.